Рейтинг@Mail.ru
 
 
 


Нашы банеры

 

Версія для друку Даслаць сябру Увеличить шрифт Уменьшить шрифт  Памер шрыфта

Правінцыйны рэпартаж

Мастацтва дарыць дзецям усмешкі

Дарыць усмешку
Незвычайныя прыгоды пад мелодыі восеньскага ветру, асаблівае надвор’е як на замову, смех і весялосць,  цудоўная атмасфера – менавіта такія ўражанні засталіся пасля паездкі, якую арганізавала валанцёрская ініцыятыва “Ружовы слон”.

 

Ці можаш ты падарыць камусьці кавалачак шчасця? А калі гэты хтосьці – маленькі чалавечак, якому з самага дзяцінства не пашанцавала мець нармальную, добрую сям’ю і хатні агеньчык, матчына цяпло?

Хтосьці скажа, што гэта складана, але мы паспрабавалі гэта зрабіць і хоць на дзень падаравалі дзецям з дзіцячага дому ўсмешкі і яркі бляск у вачах.

У мінулую нядзелю ініцыятыўная група гарадзенскіх валанцёраў у кампаніі сябраў з ЮНЭСКА зладзіла вандроўку разам з дзеткамі-сіротамі ў Наваградак і на возера Свіцязь.

 

У Наваградку адбылася экскурсія, пасля мы рушылі на возера, дзе прадугледжвалася правесці вялікую конкурсную і гульневую праграму. І тут пачалося самае цікавае!

Дзяцей сустракалі чароўныя казачныя героі з беларускіх паданняў, звязаных з легендарным возерам.

Героі легенд давалі дзецям заданні, праводзілі конкурсы і, самае галоўнае, распавядалі свае цудоўныя гісторыі. Так, вялікі свіцязянскі Князь распавядаў дзецям пра мясцовыя павер’і, пра вайсковую мужнасць, камандны дух і ўзаемадапамогу.

Адразу ж, не губляючы часу, ён падмацаваў сваю прамову цікавым спаборніцтвам на ўмацаванне каманды: “Перанясі параненага”. Дзеці былі проста ў захапленні!

Таямнічая Княжна чакала свайго часу непадалёк на пяньку, і кожная каманда дзяцей, каб даведацца гісторыю прыгажуні, павінна была прайсці сапраўднае выпрабаванне.

Але ўсе каманды з гонарам праходзілі ўсе іспыты!

Свіцязянка таксама хавала нейкую таямніцу, і прыйшлося добра пастарацца, каб раскрыць яе.

Але цяжэй за ўсё прыйшлося з Князем: ён, як гаспадар возера, нікому спуску не даваў, іспыты падрыхтаваў самыя сур’ёзныя!

Смех і вяселле ляцелі па беразе Свіцязі, а з неба нам усміхалася сонца – нам сапраўды вельмі пашанцавала з надвор’ем.

 

Ды і народу на возеры не было, увесь бераг быў у нашым распараджэнні.

 

Пад вечар, добра стаміўшыся, мы пачалі збірацца дадому. Дзеці прайшлі ўсе выпрабаванні, але, у адрозненне ад дарослых, былі яшчэ поўныя сіл і энергіі.

 

Мы выпусцілі гэтую энергію ў мірнае рэчышча каля вогнішча, дзе і скончылі нашую праграму. Больш шчаслівых дзяцей я дагэтуль не бачыла!

Мы змаглі падарыць ім цікавую казку, у якую яны з радасцю акунуліся.

Падыходзячы да аўтобуса, каб загружацца ў зваротную дарогу, хлопчыкі “акупіравалі” чатыры матацыклы, якія з’явіліся на стаянцы, пакуль нас не было. Добра, што побач не было ўладальнікаў, таму што нам спатрэбілася хвілін 5, каб адцягнуць малых!

 

Я сама люблю матацыклы, але калі на такіх дарагіх мадэлях пачалі віснуць дзеці, мяне чуць інфаркт не схапіў! Але ўсё абышлося, і мы рушылі дахаты, у роднае Гродна.

 

Па дарозе спявалі песні пад гітару, развучвалі беларускія песні, нават паспрабавалі спяваць па-польску, што вельмі спадабалася дзецям – яны прасілі нас спяваць “на біс”.

 

Бліжэй да гораду ўсе дзеці стаміліся, паспакайнелі, прыціхлі.

 

- "Як не хочацца вяртацца дамоў" – кажа мне дзяўчыначка Жэня.

 

- "А калі мы паедзем яшчэ куды-небудзь?" – пытае яе сяброўка Каця.

 

- "Нам так спадабалася! Дзякуй вам вялікі!", – пачынаюць гаманіць усе дзеці!

 

Пасля такой шчырасці забываеш пра ўсе цяжкасці, з якімі давялося сутыкнуцца ў час падрыхтоўкі і правядзення паездкі, забываеш сваю стомленасць. Хочацца рабіць штосьці зноў і зноў, толькі б пабачыць зноўку тыя ўсмешкі, шчаслівыя вочы, вясёлы смех!

Гэта аказалася сапраўдным майстэрствам, сапраўдным мастацтвам – дарыць дзецям усмешкі!

 

Фота аўтара



comments powered by HyperComments

Каментары

БелАЮ (26 верасня 2010, 12:41)

С гордостью вижу на фотографиях, что те, кто случайно попал в Летний университет клубов ЮНЕСКО - 2010 и не имел раньше опыта общественной работы, сейчас показывает пример всем остальным свои активизмом. Спасибо огромное за пользу, которую вы приносите!

госць (24 верасня 2010, 19:05)

Малайцы, Слонікі!

Курасава (23 верасня 2010, 23:19)

Я тоже безумно рада, что нам удалось порадовать своих замечательных детишек такой интересной во всех смыслах поездкой! Океан ярких эмоций и незабываемых впечатлений!!!!!! Надеюсь, что это только начало нашего общего путешествия=)

Владимир (Князь) (23 верасня 2010, 22:34)

Я действительно очень рад, что участвовал в сим мероприятии, мы смогли подарить детям много радости и улыбок, а ведь это и есть частичка того самого добра, тепла и любви, которых порой так не хватает...

[email protected] (23 верасня 2010, 22:34)

 
 
 

АПОШНІЯ МАТЭРЫЯЛЫ

"Твой стыль" закрываецца. Цяпер мы - Hrodna.life!

Хлопец з Гродна зняў беларускамоўны кавер на вядомы японскi вірусны ролік

Улады Падляшша хочуць зрабіць свой рэгіён бязвізавым для беларусаў

У Гродне масавай хадзьбой і прабегам ушанавалі памяць алімпійца Пятра Пачынчука

Актыўных беларусаў запрашаюць на штогадовы летнік “Freedom Хутар”

Гарадзенцаў запрашаюць аднавіць лес пасля летніх ветравалаў

Фотафакт: У Гродне ў продажы з'явіліся цыгарэты са страшнымі карцінкамі

Пад Новы год у Гродне з'явіцца першая мотарыкша

Аўтавакзал у Беластоку дажывае апошнія тыдні. У канцы кастрычніка яго зруйнуюць

Каалы, цмокі і кіты. Мастачка з Гродна стала пераможцай конкурсу "Новая дзіцячая кніга"

Неасцярожнае курэнне прывяло да пажару ў цэнтры Гродна

Загадкі беларускай гісторыі. Гародня: крывавы ліпень 1944 г.

"Я стаміўся". Уладальнік ABC гатовы прадаць свой "ахраненны" бізнес

На вуліцы Пушкіна згарэла Audi A6 (ВІДЭА)

На прыбудове да гродзенскай кірхi ўсталявалі сонечныя батарэі

"Нёман" зноў разграміў суперніка. Гэтым разам "Віцебск"

Гарадзенскі кантралёр пра сваю працу: «Спачатку плакала вечарамі. А потым перастала прыносіць дадому свае крыўды»

Сур'ёзнае ДТЗ каля шклозавода: сутыкнуліся Mazda і Volkswagen

У Падляшскім ваяводстве будзе больш электрычак: адна з іх можа прыехаць у Гродна

У Гродне ўшанавалі хакейны "Рытм" - уладальніка Кубка-2016

 
 
Беларуская Асацыяцыя Журналістаў Адукацыя - стыль жыцця Беларуская Інтэрнэт-Бібліятэка камунікат.org
Гродненский Форум. Яндекс.Метрика