Навіны

Калі хто ў Мінску не чуў пра Ваўкавыск, то можа яго ўбачыць…

05 сакавiка 2010 | Піша Л.Леонт

Фотавыстава «Стары і новы Ваўкавыск» адкрыецца заўтра ў Раўбічах Мінскага раёну ў Музеі беларускага народнага мастацтва. Фотавыстава складаецца з архіўных і сучасных здымкаў, на якіх выяўленыя планы сучаснай гарадской планіроўкі з тых жа кропак, з якіх рабіліся здымкі… 80 і болей гадоў таму.

Аўтар ідэі і канцэпцыі фотавыставы і аўтар фотаздымкаў – кіраўнік Ваўкавыскай гарадской арганізацыі Беларускага добраахвотнага таварыства аховы помнікаў гісторыі і культуры Віктар Вайтчук.

Ваўкавыск – горад з тысячагадовай гісторыяй, адзін з буйных гарадскіх цэнтраў Беларусі цягам стагоддзяў. Неаднаразова горад руйнаваўся, адраджаўся і, хоць і не здолеў захаваць не толькі пабудовы, але нават і іканаграфію сярэднявечных часоў, затое нязменнай засталася планіроўка гораду, якая развілася далей у ХІХ – пач. ХХ ст.

Фотавыстава ладзіцца ў межах кампаніі «Будзьма беларусамі!»