Навіны

«Радзімы кут» не адпавядае ідэалогіі райвыканкаму

27 лiстапада 2009 | Піша Л.Леонт

Кніга «Радзімы кут мой» настаўніка-пенсіянера Мікалая Ракевіча чамусьці не падабалася ідэалагічнаму аддзелу Слонімскага райвыканкама, і яе прэзентацыя была забаронена. Кнігу, у якой распавядаецца пра гісторыю вёсак Азярніцкага сельсавету, аўтар выдаў накладам у некалькі дзесяткаў асобнікаў за асабісты кошт.

Прэзентацыю Мікалай Ракевіч планаваў правесці ў цэнтральнай бібліятэцы Слоніма. Аднак працаўнік ідэалагічнага аддзела Канстанцін Дзятчык знайшоў «крамолу» ў кнізе. Вось што ён распавёў у інтэрв'ю Еўрарадыё: «Па-першае, кніга асабістага характару і, па-другое, некаторыя параграфы з пункту гледжання этыкі не адпавядаюць... Мне хапіла таго, што я перад ім яе пралістаў і часткова прачытаў, і зрабіў такую выснову».

Сам Мікалай Ракевіч лічыць, што прычынай забароны стаў не змест кнігі, а яго шматгадовая грамадская дзейнасць (у 1990-я ён ачольваў слонімскі БНФ).

На фота (http://historialis.com): будынак станцыі Азярніца, першая палова ХХ ст.

Каментары

igar (29 лiстапада 2009, 21:02)

Knigu praczytau z welkim zadawalennem.Geta- unikalnaja zjawa u naszaj litarature. PS. Haj Kostia Dziadczyk rasskarza: jak jon arganizawau z dapamogaj alkaszej prawakazyju suprac` Milinkewicza u Slonime...Liudzi ne zabuduc`

Мікола (27 лiстапада 2009, 17:24)

Гэта сучасны выгляд Азярніцкай чыгуначнай станцыі.