Каляндар

апытанне

Свята 8-га сакавіка для вас:

дзяжурнае «постсавецкае» свята
выходны вясновы дзень
магчымасць пацешыць падарункамі любімых жанчын
мне ўсё роўна
гістарычная дата
падстава для вечарынкі або карпаратыва
ніколі не адзначаю, нікога не віншую

цi глядзець статыстыку

Нашыя ўзнагароды

Архіў "Твайго стылю" за 2007-
2009 гг. глядзі ТУТ

Версія для друку Даслаць сябру Kаментары (14) Памер шрыфта

Гарадзенскі погляд

Фрыкі – гарадскія «знакі»

22 траўня 2009 | Піша Аляксандр ГАРЭЕЎ aka Xaos

У любым горадзе ёсць самыя розныя сацыяльныя пласты: «нізкія», больш вышэйшыя, сярэдні клас... Але сярод усіх вылучаюцца «незвычайныя людзі». Я маю на ўвазе бяскрыўдных і цікавых грамадзян, якіх клічуць часам «гарадскімі вар'ятамі».

Такія людзі ствараюць атмасферу і ў некаторым сэнсе становяцца знакамі горада, пра іх расказваюць прыезджым.

Вядома, кожны бачыў мужчыну на аўтавакзале, які ўвесь час нешта распавядае людзям на прыпынку, звяртаючыся да ўсіх і ні да каго. Я чуў, што ў яго ёсць сям'я, праца, а «рэлігійныя лекцыі» каля аўтавакзала ён чытае па ўласным жаданні.

Пераходзім дарогу і трапляем на Скідальскі рынак. Тут можна сустрэць мужыка, імя якога Лёша. Ён ходзіць на гэты рынак, як на працу. А зарабляе грошы так – шпацыруючы паміж шэрагамі і шапікамі, ён прапаноўвае гандлярам і пакупнікам свае нехітрыя паслугі. За 500 рублёў Лёша гатовы пракрычаць абсалютна ўсё, што захоча кліент. Хадавыя фразы «Ігар – самы прыгожы» ці «Юля – класная дзяўчынка». Прычым, ён не гарлапаніць, а спявае, меладычна расцягваючы канец фразы: «прыгожаяяяяя... ». Пасля абеду яго працоўны дзень сканчаецца, і ён адпраўляецца ў бліжэйшую краму з віном ды гарэлкай.

Са Скідальскага пройдзем у самае папулярнае месца тусоўкі «незвычайных людзей» – плошчу Савецкую і наваколле.

Вось – «бабка Армагедон». Яна ўвесь час хоча стукнуць і абмацюкаць тых, хто на яе глядзіць. Ходзіць у хустцы і з двума пакетамі, можа падбегчы і стукнуць злёгку. Потым адбягае і крычыць: «Я вам тут Армагедон устрою!».

Яшчэ адна бабка каля крамы «Баторыя» ўвесь час спыняе мінакоў і просіць купіць ёй хлеба і крупы ў краме. Раней наадрэз адмаўлялася ад грошай. Распавядаюць, што ў яе сын ездзіць на дарагой іншамарцы і ў яе вялікая кватэра ў цэнтры.

Раённых town freaks (гарадскіх вар'ятаў) пэўна не пералічыць.

Старэйшае пакаленне часта ўспамінае 80-я гады і Лютка: чалавек невядомага ўзросту і полу з тонкім голасам, апранутага ў лахманы… Я думаю, гэта быў самы сапраўдны «знак, гарадзенскі жабрак з Савецкай. Гавораць, быццам бы, дзякуючы збору бутэлек, ён быў багатым чалавекам і, быццам, ён пералічыў вялікую суму грошай у дзіцячы дом. А за пустую бутэльку Лютак мог зрабіць многа: напрыклад, пракукарэкаць на ўсю плошчу, гучна крыкнуць «NRM – сіла» і іншае. Не атрымаўшы бутэльку, вельмі крыўдзіўся, злаваўся і нават ладзіў пагоню.

Яшчэ ў Гродна ёсць «мужык у белай футболцы». У любы час году ён ходзіць па вуліцах у белай футболцы, «трэніках» і тапках. Калі градуснік паказвае «–10» ён апранае піджак. У раёне вуліцы Савецкіх памежнікаў жыве жанчына-маскарад. На ёй кожны дзень новая вопратка: то яна – матрос, у фуражцы з якарамі і стужкамі, з матроскім каўняром… То – лэдзі з XVIII-га стагоддзя ў сукенцы з бантамі і караблямі на галаве… То наогул у нейкай сярэднявечнай кашулі з буфамі. Распавядаюць, што яна марыла стаць актрысай, але яе не ўзялі. І жанчына больш за 20 гадоў працавала касцюмершай.

У кожнага з гэтых людзей свая гісторыя жыцця. Спачатку яны раслі, хадзілі ў школу, потым – на працу… Але раптам адбылося нешта такое, што «перарабіла» іх, прымусіла зрабіць нейкі іншы накірунак паводзін… Крыўдна, калі над такімі людзьмі смяюцца, здзекваюцца. Тым больш, яны ўсё прабачаюць і зноў спрабуюць жыць па-свойму.

У мяне ёсць прапанова: давайце разам паспрабуем прыгадаць усіх і пагаварыць пра гэтых сваеасаблівых людзей.

Каментары

gosc (02 лiпеня 2009, 08:19)

to "hahaga" Па-першае, нефіг абражаць гэтых людзей (гэта наконт неадэкватнасці), а па-другое, у гэтага матэрыяла ёсць аўтар, які яго напісаў, а не "спісаў" з форума. Героі матэрыяла - не "казка", а быль...

hahaga (01 лiпеня 2009, 03:21)

"яны ўсё прабачаюць і зноў спрабуюць жыць па-свойму." што за х..?... они просто неадекватные. а такие сказки с форума писать - вельми прафесыйна.

ВіталеОк (25 чэрвеня 2009, 13:10)

Вялікі дзякуй аўтару за актуальную праблему! Даўно так не рагатаў... і да сэрца праняла. У гэтых людзях Бог, як нідзе!!!

Ёлка (19 чэрвеня 2009, 01:10)

А я памятаю, нас у дзяцінстве матуля заўжды пужала Лютакам, калі мы не слухаліся. Мне здавалася, што ён жудасны нейкі, а аказваецца памяркоўны такі персанаж. А вось бабулю-Армагедона на ўласным досведзе пакаштавала. Яна мяне аднойчы аблаяла лічы ва ўласнай хаце аблаяла...

astrynczanka (25 траўня 2009, 13:16)

мужык, які свістаў то на чыгуначным вакзале, то на Савецкай у свой час руліў. памятаю, гістфак дзесці 3 гады таму ўдзельнічаў ва універсітэцкім КВЗ і за 10 тысяч (тады 2-3 бутэлькі гарэлкі) папрасілі хлопцы "свістуна" паўдзельнічаць. ён пагадзіўся. фраза была ў КВЗ такая: "Хочаш гэтую мелодыю сабе на мабільнік?", адчынілася шырма, - і адтуль з'явіўся "свістун". увесь зал качаўся ад смеху. інваліда на Скідальскім таксама памятаю. так жахліва было, як ён крычаў...

Ліоша (25 траўня 2009, 12:59)

Дарэчы, а ці ёсць нешта немаральнае ў тым, каб займацца адной толькі крытыкай?

Ліоша (24 траўня 2009, 23:33)

Я амаль кожны тыдзень пішу. Я люблю пісаць роўна настолькі, наколькі і крытыкаваць. Вы мне вельмі сімпатычныя, не гледзячы на тое, што я ведаю нешматлікіх з вас :)

agafja (24 траўня 2009, 22:41)

А пан-свістулька на Савецкай? Раней шчэ быў інвалід, які на Скідзельскам разрываў душу крыкам " Па-ма-гы-це!!" А потым яго спіртавікі бралі з сабою ў Польшчу. Дзядька неблага зарабляў, бо яго не правяралі, а ў калясцы можна было шмат цыгарэт правезці. І аднойчы мытнікі гэтую фішку прабілі....

Xaos (24 траўня 2009, 21:53)

Товарищи читатели, я все же хотел чтобы вы тоже написали про тех "необычных" людей о которых вы знаете или с кем сталкивались. з.ы. В этот раз комментарий лиоши улыбнул, молодец. ;)

Усевалад (24 траўня 2009, 19:59)

ШМЖ!))) Вы Стыль чытаеце?) Лёша штотыдзень піша)

Мужык у майцы (24 траўня 2009, 19:20)

Чаго не падыйсці і не спытаць у людзей пра іх жыццё. А толькі нейкія дагадкі, што людзі кажуць. Не артыкул, а так - развага на тэму - пра што б цікавае напісаць.

из ШМЖ-12 (23 траўня 2009, 22:23)

Ліоша, у нас вот вопрос к вам...а вы сами пишите материалы или только критикой занимаетесь? Душещипательный вопрос для нас!

Олька (23 траўня 2009, 13:55)

Саша, ты молодец! Взял-и написал статью, не смотря ни на что. Получилось здорово и интересно! Жду продолжения.

Ліоша (22 траўня 2009, 23:10)

Вельмі цікавы матэрыял, асабліва для тых, хто не сядзіць на Гродзенскім Форуме. Я задаволены :)