Навіны

Аматары вольнага праграмнага забеспячэння сустрэнуцца пад Гродна

27 красавiка 2009 | Піша В.Дрэма

Рэгістрацыя на міжнародны збор і канферэнцыю “Linux Vacation / Eastern Europe”, якія пройдуць 2-5 ліпеня на турбазе "Хімік" пад Гродна, ужо распачалася. Удзел у сустрэчы возьмуць энтузіясты у галіне свабоднага праграмнага забеспячэння з усёй краіны, а таксама замежныя госці.

Мэтай сустрэчы з'яўляецца абмен вопытам паміж спецыялістамі па праектаванню, распрацоўцы, укараненню, суправаджэнню і развіццю рашэнняў open source, а таксама прыцягненне больш шырокіх колаў IT-супольнасці да публічнага дыялогу пра магчымасці свабоднага праграмнага забеспячэння, пра праблемы, якія паўстаюць падчас ягонай інтэграцыі, і спосабах іх вырашэння. Першае такога кшталту мерапрыемства пад Гродна адбылося ў 2005 г. Удзел у ім бралі тады больш як 80 распрацоўнікаў, інтэгратараў і карыстальнікаў Linux з Беларусі, Польшчы, Расіі і Украіны.

Арганізатарам LVEE 2009 з’яўляецца Minsk Linux Users Group пры падтрымцы актывістаў з Гродна і Брэста.

Дадатковую інфармацыю пра мерапрыемства і магчымасці ўдзелу ў ім шукай тут - http://lvee.org/be/conference

Пра тое, што такое Лінукс - чытай тут: http://lvee.org/be/conference/linux

На здымку: сустрэчы пад Гродна - гэта яшчэ і добры адпачынак у прыемнай кампаніі.

Фота: http://lvee.org/be