Рейтинг@Mail.ru
 

Культура

Вядомыя арганісты з васьмі краін дадуць серыю канцэртаў у Гродне

 
орган Magnus Silesia Royal Арганы Еўропы Гучаць у Гродна

Арганісты з з Беларусі, Польшчы, Расіі, ЗША, Ізраіля, Германіі, Японіі ды Італіі дадуць серыю канцэртаў у Гродне з 20 верасня па 24 лістапада, паведамілі карэспандэнту БЕЛТА ў адміністрацыі Гродзенскага дзяржаўнага музычнага каледжа.

 
 

Сярод іх - лаўрэат міжнародных конкурсаў арганіст з Беластока Юзаф Катовіч, адзін з выдатных сучасных нямецкіх выканаўцаў арганнай музыкі Іаганес Геферт, вядомы італьянскі арганіст-імправізатар Эўджэніа Марыя Фаджыяні. Сольныя канцэрты запланаваны на 20 і 29 верасня. Таксама адбудуцца чатыры канцэрты ў кастрычніку (6, 13, 20 і 27 чысла) і ў лістападзе (3, 10, 17 і 24-га).

 

Міжнароднае свята арганнай музыкі "Арганы Еўропы гучаць у Гродне" пройдзе трэці раз. Першыя два фестывалі праведзены ў 2014 і 2015 гадах і атрымалі высокую ацэнку слухачоў, якія па заслугах ацанілі майстэрства выканаўцаў. Арганісты выконваюць творы на ўнікальным, адзіным не толькі ў Беларусі, але і на тэрыторыі СНД, аргане Magnus Silesia Royal, устаноўленым у канцэртнай зале каледжа.

 

Пры стварэнні гэтага музычнага інструмента выкарыстоўваліся найноўшыя дасягненні гукаінжынерных і камп'ютарных тэхналогій, якія даюць магчымасць узнавіць сапраўднае тэмбравае гучанне рэальна існуючых арганаў Еўропы, запісаных у памяць інструмента. Magnus Silesio Royal з'яўляецца поўнай віртуальнай мадэллю арганаў з сабораў у італьянскім Брэшыя (каля 1600 года), у чэшскай Празе (1673 год), Цволе ў Германіі (1721 год), Кжэшуф у Польшчы (1732-1737 гады), а таксама вядомых арганаў з Францыі, Англіі, Нідэрландаў і Італіі.

 

Пачалася серыя канцэртаў "Арганы Еўропы гучаць у Гродне" (відэа)

 

Фота: music.grodno.by




comments powered by HyperComments
 
 
 
 

 

 
Беларуская Асацыяцыя Журналістаў Адукацыя - стыль жыцця Беларуская Інтэрнэт-Бібліятэка камунікат.org
Гродненский Форум. Яндекс.Метрика