Рейтинг@Mail.ru
 

Культура

“Усе паэты хацелі жыць як Купала, але не хацелі так памерці”. Гарадзенскую “МоваНанова” наведаў Алесь Плотка

 
Алесь Плотка байсан Мова Нанова Гродна Гародня

На занятках, прысвечаных беларускай паэзіі, наведвальнікі курсаў узгадавалі творцаў – Купалу, Коласа, Багдановіча і іншых – ды чыталі іх вершы. Госцем вечара быў малады паэт Алесь Плотка.

 
 

Плотка пачаў з цытаты: “Усе паэты хацелі жыць як Янка Купала, але не ўсе паэты так хацелі памерці” – гэта тычыцца сучаснай паэзію і паэтаў. Ён адзначыў, што зараз маладыя беларускія паэты, і ён у іх ліку, пішуць пра падзеі ад “нулявых і да сучаснасці”.

 

Плотка прыехаў у Гродна ў межах “Лютага туру” з прэзентацыяй кнігі “Байсан”, на вокладцы якой – нашумелая “вершніца”, што “ўскрыла праблемы гендарных і міжгенерацыйных стасункаў у беларускім грамадстве”.

 

Кніга ўжо атрымала цёплыя водгукі крытыкаў, а выява на вокладцы – узнагароду фестывалю беларускай рэкламы Ad.nak! Выданне – своеасаблівы “best of” паэта, у які ўвайшлі лепшыя вершы ад першых публікацый да сённяшняга дня: ад маладосці ў нефармальным асяродку Гомеля да пабачанага і перажытага на прасторы ад Багамаў да Уладзівастоку.

 

Алесь Плотка байсан Мова Нанова Гродна Гародня

Алесь Плотка байсан Мова Нанова Гродна Гародня

Алесь Плотка байсан Мова Нанова Гродна Гародня

Алесь Плотка байсан Мова Нанова Гродна Гародня

 

Сам Алесь Плотка адносіць сябе да “хворых людзей, у добрым сэнсе, якія не могуць не пісаць”. Ён “цягніковы” паэт, паэт-вандроўнік, які ўсё жыццё шукае тое месца, дзе яго спасцігне спакой і бясконцае натхненне. Такое месца ён ужо мае – гэта сядзіба яго дзеда ў цэнтры Баранавіч. Але сам ён яшчэ не гатовы там асесці.

 

Плотка ўзяў сябе псеўданім “Байсан”, што паходзіць з марскога слэнгу. Яно азначае “зямляк”. У канцы “нулявых” ён працаваў на караблях у Атлантычным акіяне (Багамскі напрамак), адкуль і вынес гэтае слова, якое падалося вельмі трапным для светаадчування “Беларусаў свету 2.0” – людзей не ад сахі, касы і ідэй рамантызму, але з досведам вандровак у сучасным зменлівым свеце. Паэт зазначае, што працуе ў адпаведным ключы – апісвае класічныя канфлікты сучаснымі словамі, з’явамі і персаналіямі. Плануе паглыбіцца ў апісанне падзей пачатку “нулявых”.

 

Фота: Марк Харламаў

 

Перадрук матэрыялаў сайта “Твой стыль” дазваляецца толькі з пісьмовай згоды рэдакцыі і пры захаванні аўтарства і наяўнасці актыўнай індэксаванай гіперспасылкі на арыгінал публікацыі. Падрабязнасці тут.

Тэмы: асобы, літаратура, МоваНанова



comments powered by HyperComments
 
 
 
 

 

 
Беларуская Асацыяцыя Журналістаў Адукацыя - стыль жыцця Беларуская Інтэрнэт-Бібліятэка камунікат.org
Гродненский Форум. Яндекс.Метрика