Навіны

Лічбавая графіка ад Паўла Амелюсіка

Падзяліцца |

16 чэрвеня 2012 | Піша Андрэй Мялешка

Выстава мінскага аўтара Паўла Амелюсіка пад назвай «Аўтограф», што адкрылася 15-га чэрвеня ў галерэі «У майстра», прадставіла гарадзенцам адмысловую лічбавую графіку. Мадэлямі для гэтых фотакалажаў былі дзяўчаты, што ўдзельнічалі ў конкурсе «Міс Беларусь».

Мастакі спрачаліся пра тое, ці калажы аўтара з'яўляюцца мастацтвам, ці гэта нешта ўрбаністычнае.

Мастацтва ці не?... Вось у чым пытанне.

Калажы на сцяне

Павал абірае для сваіх твораў назвы і вобразы пад час падарожжаў, працы з яго творамі таксама знаходзяцца ў прыватных калекцыях па ўсім свеце. Як распавядае сам Павал: «Працы робяцца ў некалькі этапаў. Спачатку здымаецца сама мадэль, потым ідзе апрацоўка на кампутары і з дапамогай высокаякаснага друку вобраз наносіцца на холст».

Павал Амелюсік - аўтар"спрычных" прац

Першыя выставы майстра адбыліся яшчэ у 2000-м годзе і на дадзены момант Павал – ужо даволі вядомы майстар сярод сябраў Саюза мастакоў.

Кілішак на памяць

Выстава ўяўляла таксама невялікі перфоманс: кілішкі для напояў былі падпісаныя назвамі твораў і на любым з іх можна было атрымаць аўтограф мастака, і потым забраць з сабою нібыта яго твор.

Каб павітаць аўтара на выставу прыўшлі гарадзенскія мастакі, мэтры і выкладчыкі гарадзенскага ўніверсітэта і вучэльні мастацтваў.

Убачыць творы можна да 5-га ліпеня па адрасе – галерэя «У майстра», Гродна, вул. Кірава 8.

Тэмы: студэнты, рэцэнзіі, выстава

Падзяліцца |