Навіны

Рэпетытарства: перавагі і "падводныя камяні"

28 лiстапада 2011 | Піша Маргарыта Савіцкая

Падрыхтоўку да паступлення ў ВНУ будучыя абітурыенты пачынаюць задоўга да заканчэння школы.

Вучні старэйшых класаў спрабуюць розныя спосабы падрыхтоўкі да ЦТ.

Многія спыняюцца на рэпетытарстве.

Найбольш папулярныя віды рэпетытарства – індывідуальныя заняткі з рэпетытарам, групавыя заняткі з настаўнікам у школе, групавая падрыхтоўка да ЦТ ва ўніверсітэце.

Які з іх найлепшы?

Гэтае пытанне я задала будучым выпускнікам гродзенскіх школ.

Аляксей, 15 гадоў, 10 клас:

-Я лічу што ў ВНУ выкладчыкі больш кваліфікаваныя, чым у астатніх навучальных установах.

Па-другое, навучацца ў групе цікава і весела.

Я чуў вельмі шмат добрых водгукаў менавіта аб падрыхтоўцы да ЦТ ва ўніверсітэце.

Віка, 15 гадоў, 10 клас:

-Я лічу, што найлепшыя заняткі - індывідуальныя.

Таму што на глупавых занятках у кожнага свае пытанні і праблемы.

А так ты адзін усё сам вывучаеш і пазнаеш.

Насця 15 гадоў,10 клас:

-Я лічу, што кожны з гэтых спосабаў у чымсці добры.

Для мяне найлепшая падрыхтоўка да ЦТ- падрыхтоўка з групай.

Мне так лепш навучацца.

І я абяру падрыхтоўку ва ўніверы.

А што думаюць на гэты конт настаўнікі?

Людміла Васільеўна, настаўніца гісторыі гімназіі №6:

- Мая думка такая: калі вучань хоча навучацца за дзяржаўны кошт, ён павінен добра вучыцца.

Калі гэта не атрымліваецца - патрэбны рэпетытар, але не дарагі, а добра кваліфікаваны. Тады ад яго ёсць карысць.

Тое, што рэпетытарства - справа карысная, прызнаюць усе.

Але кожная рэч мае свае “падводныя камяні”.

У рэпетытарстве гэта кошты.

Ва ўніверсітэце кошты на падрыхтоўку да ЦТ ад 325 000 да 543 000 беларускіх рублёў за 9 месяцаў.

Там збіраецца група з 5-12 чалавек.

У школах падобныя заняткі (2 разы на тыдзень) каштуюць 8000 рублёў за занятак.

Індывідуальныя рэпетытары маюць зусім іншыя расцэнкі:

прадмет	9-10 клас	11 клас	час
матэматыка	50-60 тысяч рублёў	80-90 тысяч рублёў	1,5гадзіны
фізіка	50-60 тысяч рублёў	80-90 тысяч рублёў	1,5
руская мова	40-50 тысяч рублёў	40-50 тысяч рублёў	1,5
беларуская мова	40-50 тысяч рублёў	40-50 тысяч рублёў	1,5
англійская мова	5-7 у.а.	10-12 у.а.	1
нямецкая мова	5-7 у.а.	10-12 у.а.	1
хімія	50-60 тысяч рублёў	60-80 тысяч рублёў	1,5
біялогія	50-60 тысяч рублёў	60-80 тысяч рублёў	1,5